برقعي ياحسن! 

((تنويه: منشور سياسي لاصلة له بالأخلاق او الأداب العامة واي تشابه في الالفاظ او المقاصد هو من باب سوء نيتك ليس إلا.)) 

خرجت قبل يومين المساء للبحر بساحل ابين ووقفت السيارة هناك قلنا نتبرد شوية بسبب الحر..

كانت الساعة حوالي 7المساء. 

قليل وتوقفت جواري سيارة برادوا اخر موديل فيها واحد وواحدة ولم يفصل بيننا الا أمتار قليلة.. 

سيارة لونها اسود، نزلوا زجاج السيارة وطفوا المحرك. 

حبيت الموقف وحمدت الله على نعمة الأمن والأمان. 

شوية ويهدروا قليل مايجي حق 5دقائق الاواسمع دربكة.. الرجال هجم الا والعباية تطير جو والجزمات والكلسون والسنتيان..

بدون اي مقدمات تحولت السيارة الى حلبة مصارعة. 

الكلسون سقط لخارج السيارة من شدة النتع وتزابط الارجل.. 

انا ارتبكت ماعرفت اتفرج عليهم ولا امشي من المكان ولا انزل افارع.. 

كانت لحظات عصيبة جدا.. 

الحرمة لاتزال مبرقعة والرجال يواصل هجومه الكاسح يحاول ينزع البرقع والحرمة تصيح

-لاياحسن البرقع لايمكن، برقعي مستحيل لاتخلف التوافق، لاتعطل الاتفاق. 

كان هو يصيح-ياسعدية مش لعب اطفال هو جت على البرقع تركتي كل شيء ومركزة على البرقع . 

انا صراحة ربشوني الكلسون في وادي والسنتيان في وادي والعباية في وادي ولا اختلفوا الا على البرقع، بس اقنعنا حسن بكلامه وايضا سعدية كان كلامها مقنع اذا في اتفاق على حسن احترامه،بس كمان مش معقول كل شيء طار.. 

انا توترت ولاعرفت اعمل شيء.. 

قلت انزل اقنع سعدية تعدي الليلة او اقنع حسن يخلي البرقع بس قلت يافتحي ايش لك من هذا كله، يمكن يصوروا فيلم من حق الأمن.. 

بعد تردد كبير نزلت من سيارتي واستدرت ناحية سيارتهم وقبل ما اطل براسي شفت الكلسون مرمي بين سيارتي وسيارتهم.. 

اخذته بيدي ورميته لداخل السيارة ومع الرمية شفت سعدية لاتزال متشبثة بالبرقع.. 

الله كم كبرت بنظري.. 

كنت اريد اتدخل بس تراجعت في اللحظة الأخيرة. 

رجعت السيارة شغلتها ومشيت بس صوت سعدية كان يشق سكون المكان.. 

التوافق لاتشق التوافق ياحسن..

العيال بلا عشاء ياحسن..! 

الله لابارك فيك ياحسن لاخليت الحرمة في بيتها ولا وفرت عشاء لعيالها ولا خليتنا نجلس براحتنا في الساحل .. 

فتحي بن لزرق

27يوليو2022